香港越野賽「神人」黃浩聰近來投入培育下一代跑手，不過他早前抽時間到日本參加Mt. Fuji 100比賽。賽事全長166公里、約7500米爬升，聰sir最終以21小時48分31秒完賽，以第8名完成，「再次享受到比賽心情上上落落，狀態起起跌跌，越野跑真係好好玩，雖然自己沒有最好體能，但仍然有嗰份堅持。」
開賽之後，聰sir表示自己初段未有快放，但他感到「隻腳散散哋」，認為是出於近來練習不足，令他腰背酸痛，令他一度有種想法不如放慢與Angie（甄智貽）一齊跑，「我諗Angie都唔想見到我咁無鬥志個樣。」不過，聰sir抖擻精神後有感要做好自己本份，於是繼續上路。直至最後30公里，聰sir晉升至第8名：「我覺得呢個名次比賽比7同9都好聽啲，前前後後都好近，唔想追但又唔可以俾人追到，俾到一份新嘅動力去保持呢個名次。」
最終聰sir以21小時48分31秒，完成166公里、大約7500米爬升的Mt. Fuji 100。這一次的比賽令聰sir感觸良多，再次感受比賽時狀態的起跌，「越野跑真係好好玩，真心enjoy，亦都睇到自己雖然沒有最好嘅體能，但仍然有嗰份堅持。」聰sir表示自己一年會參加兩場別具意義的賽事，上半年參加了Mt Fuji 100，下半年的比賽仍在考慮中。
